VERIFIKA EFISIENSIA BA UTILIZASAUN ARMADURA IHA ESTRUTURA LAJE BA PROJETU KONSTRUSAUN EDIFISIU FOUN ESCOLA CATÓLICA COLÉGIO SÃO JOSÉ OPERÁRIO BALIDE DILI
Login
loginLiu husi rezultadu kalkulasaun ba utiliza armadura nian, no dadus relevantes husi projetu iha elementu estrutura laje nian ne’ebé hatudu iha kapítulu anterior eskritor hakarak konklui katak:
1. Rezultadu husi kalkulasaun ba utiliza armadura hatudu katak karga ultimu Qu = 8,956 kN/m no momentu ultimu (ultimate) Mu = 6,473 kNm rezulta area armadura ne’ebé presiza As = 209,41 mm2, area armadura minimu As = 278 mm2 reziste momentu ultimu Mu = 8,487 kNm no area armadura utiliza As = 531 mm2 reziste momentu ultimu Mu = 15,710 kNm;
2. Kalkulasaun ba verifika armadura utiliza area armadura ne’ebé presiza As = 209,41 mm2 ho espasu s = 633,85 mm, la priense kriteria ne’ebé iha, rekomenda utiliza taxa armadura minimu mak As = 278 mm2 rezulta espasu s = 477 mm, maibe ligadu ba kriteria espasu montajen armadura defini katak s = 2 x h ≤ 450 mm signifika la priense kriteria, no solusaun mak utiliza s = 2 x h = 250 mm maibe ho taxa armadura minimu reziste ona momentu ultimu Mu = 8,487 kNm bele asegura ona kapasidade ba laje ne’e, depois rezulta fali area armadura utiliza As = 531 mm2 ho momentu ultimu Mu = 15,882 kNm bele simu kapasidade dupla ligadu ho karga ne’ebé iha;
3. Bazeia ho rezultadu husi kalkulasaun katak verifika duni estrutura laje refere bele utiliza armadura simples tanba ho rezultadu husi verifika hatudu katak momentu ultimu armadura simples bele asegura ona karga sira ne’ebé halo atuasaun signifika utiliza armadura simples mos bele garantia ba laje nia kapasidade no mos efisiente duni;
