KRIASAUN MANU POEDEIRA IHA KOMPÃNIA GRASIA FARM, UNIPESSOAL LDA, ALDEIA HI, SUKU LIHU, POSTU ADMINISTRATIVU RAILACO, MUNISÍPIU ERMERA
Login
loginBazeia ba Traballu Finál Kursu ida-ne’e atu foti konkluzaun katak:
1. Kriasaun manu-rasa (poedeira) iha Kompãnia Grasia Farm, Unipessoal Lda, nu’udar dalan ida ba dezenvolve parte setór pekuária iha Timor-Leste, hanesan mós setór produtivu ida-ne’ebé bele fó oportunidade ba komunidade hotu atu partisipa hodi hadi’a ekonomia ida-ne’ebé sustentavel iha família no hakiak manu-rasa pordús tolun ne’ebé hakiak ho sitema intensivu hodi hetan rendimentu ne’ebé rápidu;
2. Aumenta ami nia kapasidade no koñesimentu liuhosi EPKPA liu-liu hodi garantia koñesementu ba prosesu tomak hosi kriasaun manu-poedeira, nune’e bele aplika siénsia ne’ebé aprende iha ensinu superiór ba iha kompãnia hodi bele halo komparasaun entre teória no prátika hodi hakle’an koñesementu tuir siénsia ne’ebé aprende ona, nune’e bele halo jestaun ida ba parte hotu ne’ebé di’ak hodi dezenvolve kriasaun ida-ne’e ba oin. Haree ba situasaun no kondisaun iha ita nia nasaun Timor-Leste, liga ba área agrikultura-nian iha
potensiál tebes hodi hala’o planu oioin iha atividade agrikultura nian, hodi sustenta família sira nia moris. Nune’e Timor-Leste iha setór agrikultura oioin hanesan; produsaun animál (pekuária), peskas, ortikultura, plantasun, alimentar, no seluk tan;
3. Manu-rasa poedeira ne’ebé hakiak iha Kompãnia Grasia Farm, Unipessoal Lda, bele fó benefísiu ba nesesidade ema nian hanesan manu-tolun ne’ebé distribui hosi Kompãnia Grasia Farm, Unipessoal Lda, ba iha konsumidór sira nia nesesidade, fornese kampu de traballu ba komunidade sira ne’ebé mak hela besik fatin kriasaun.
