JESTAUN UTILIZASAUN LUHAN BA POEDEIRA IHA KOMPAÑIA GRASIA FARM UNIPESSOAL, LDA, ALDEIA HI, SUKU LIHU, POSTU ADMINISTRATIVU RAILACO, MUNISÍPIU ERMERA
Login
loginBazeia ba Traballu Finál Kursu ida-ne’e eskritór hakarak atu foti konkluzaun badak de’it katak:
1. Kriasaun manu-rasa poedeira iha Kompañia Grasia Farm Unipessoal, Lda, nu’udar dalan ida hodi dezenvolve di’ak kona-ba kriasaun manu rasa prodús tolun no utiliza luhan ne’ebé mak di’ak no bele halo balansu entre teória
ne’ebé hetan hosi dosente sira iha IPB no prátika reál ne’ebé mak hasoru iha kampu hanesan mós setór produtivu ida-ne’ebé bele fó oportunidade ba komunidade hotu atu partisipa hodi hadi’a ekonomia tuir nesesidade ne’ebé presiza;
2. Relasiona ho atividade Traballu Finál Kursu ne’ebé hala’o durante fulan rua bainhira koalia kona-ba kriasaun manu-rasa tolun foin mak dezenvolve ho neineik maibé beibeik, tanba ne’e presiza haree mós ba populasaun iha nasaun Timor-Leste, ho nune’e haree ba aspetu hirak ne’e hotu bainhira atu redús
inportasaun tenke aumenta no hadi’a kualidade produsaun animál liuliu ba manu-rasa prodús tolun hodi nune’e minimiza inportasaun manu-tolun no na’an-manu mai Timor-Leste. Maski oras ne’e eziste ona Kompañia Grasia Farm Unipessoal, Lda, iha Munisípiu Ermera Postu Administrativu Railaco maibé seidauk to’o atu distribui ba Timor laran tomak;
3. Manu-rasa produs tolun ne’ebé hakiak iha Kompañia Grasia Farm Unipessoal, Lda, bele fó benefísiu ba populasaun Timor laran tomak hodi distribui no komsumu manu-tolun fresku ne’ebé mak la kontamina ho kímika no seguru tebes atu konsumu;
4. Bazeia ba pratika ne’ebé mak hetan iha Kompañia Grasia Farm Unipessoal, Lda, ba oin bele atinje di’ak liután kona-ba manu rasa tolun;
5. Luhan ne’ebé utiliza iha Kompãnia Grasia Farm Unipessoal, Lda, kompostu hosi luhan palku no luhan battery. Manu faze DOC no starter uza luhan palku, manu faze Layer utiliza luhan Battery.
