JESTAUN LUHAN BA KRIASAUN BIBI IHA INSTITUTO POLITÉCNICO DE BETANO SUKU BETANO POSTU ADMINISTRATIVU SAME MUNISÍPIU MANUFAHI
Login
loginBazeia ba rezultadu Relatoriu Traballu Finál Kursu ne’ebé realiza iha Instituto Politécnico de Betano hakarak konklui katak:
1. Konstrusaun luhan ne’ebé di’ak mak hanesan luhan modelu palku, atu nune’e bibi labele toba direta iha rai, hodi prevene moras ka baktéria balu ne’ebé bele afeita ba bibi nia saúde. Tanba ne’e molok atu harii luhan hakiak na’in tenke determina fatin ne’ebé mak adekuadu hodi halo konstrusaun luhan;
2. Materiál luhan ne’ebé utiliza hodi konstrui luhan maihusi materiál lokál hanesan au no ai. Luhan laran nahe husi ai-kabelak no au, nia parede taka ho ai no balu uza materiál industriál hanesan besi no kakuluk taka ho kaleen. Kakuluk taka ho kaleen tanba duravel ka bele uza iha durasaun tempu ne’ebé kleur;
3. Luhan ne’ebé utiliza hodi hala’o Traballu Finál Kursu ho modelu luhan palku ho medida naruk 8 x 5 m fahe ba kuartu sanulu resin ida, konsiste husi kuartu indivíduu iha sia no kada kuartu ida ho nia medida 1 x 2 m, kuartu fó kaben iha ida ho nia medida 2 x 4 m, no kuartu hahoris iha ida ho medida 2 x 2 m.
