Odélia Pires de Carvalho, moris iha Aldeia Sama-Fano, Suku Maluro, Postu Administrativu Quelicai, Munisípiu Baucau, iha loron 18 fulan Jullu tinan 2002, hosi uma lisan Samalari no Larisori, oan hosi Bernardo de Carvalho no Gertrudes Belo. Oan datoluk hosi feton naan hamutuk nain sia. Hakerek nain hahú estudu iha Escola Ensino Básico Filial (EBF) 1⁰ no 2⁰ ciclo Santa Terezinha do Menino de Jesus Quelicai iha tinan 2009 Remata iha tinan 2014, kontinua pré-sekundaria Ensino Básico Catolico (EBC) 3⁰ ciclo Santa Terezinha do Menino de Jesus Quelicai iha tinan 2015 remata iha tinan 2017, kontinua Sekundaria iha Escola Sekundaria Geral 02 Vila Nova Baucau iha tinan 2018 remata iha tinan 2020.
Hetan oportunidade kontinua Estudu iha Ensinu Superior iha Instituto Politécnico de Betano (IPB), Escola Superiór de Agronomia e Zootécnica, Curso de Produção Animal iha tinan 2021 no tinan 2024 gradua iha área Produção Animal ho títulu Diploma II (D-II P.Anim).