Jefriano da Silva Colo, Odélia Pires e Carvalho, Suzano Fausto Barros Soares
Bazeia bá rezultadu ne’ebé teste iha Laboratóriu Diagnóstico de Veterinária hakarak konklui katak:
❖ Materiál no ekipamentu sira ne’ebé utiliza hodi halo teste mak hanesan fezes, bee, tisu, maskra, luvas, mc master, objec glass, rac object, cover glass, pipetas, dasin, glass/ kaneka, spatula/kanuru, microscopiu, counter, centrifux, lixu fatin no livru matadalan;
❖ Prosesu identifikasaun mak hanesan rona esplikasaun hosi orientador/a kona-bá prosessu identifikasaun, hafoin foti dasin tau iha meza leten foti mortál alu hodi de’ut fezes, foti kaneka tau bá dasin leten no uza kanuru ki’ik suru fezes tau bá kaneka no presiza fezes grama 2, NaCl ml 28 kahur hamutuk halo homogenia hafoin foti saring taes bá kaneka seluk no uza pipeta enxe bá Mc Master halo nakonu husik hela too minutu 3 bele mós minutu 5 hafoin identifika uza mikroskópiu ho nia magnifikasaun 40x, no enxe bá Mc Master la bele halo anin tama se anin tama mak ita identifika la hetan;
❖ Rezultadu identifikasaun amóstra fahi 81 ne’ebé halo ezaminasaun iha Laboratóriu Diagnóstico de Veterinária hetan pozitivu Ascaris suum hamutuk 14 nia persentajen 17, 28% no Trichuris suis hamutuk 9 nia persentajen 11,1 % no bibi-rusa total amóstra 64 hetan pozitivu 1 nia persentajen 1,5%.